SKIN1004 – Madagascar Centella Retinol 0.2 Boosting Shot Ampoule Mini, 9ml

Retinol nuk ka nevojë për nxitim. Ka nevojë për rutinë të mençur.

Kur tekstura duket më e ashpër, elasticiteti ka filluar të dobësohet ose vijat e holla po bëhen më të dukshme, nuk të duhet të shtosh pesë produkte të reja.

Të duhet një aktiv i fokusuar, hidratues i mirë dhe SPF çdo ditë.

SKIN1004 Madagascar Centella Retinol 0.2 Boosting Shot Ampoule është një ampoule për rutinën e mbrëmjes që kombinon 0.2% Retinol, Retinal dhe micro-spicules për kujdes më të fokusuar te tekstura, elasticiteti dhe pamja e vijave të holla.

Formula përmban gjithashtu Madagascar Centella, Panthenol dhe Squalane, që ndihmojnë në hidratimin dhe mbështetjen e një skin barrier më të balancuar gjatë përdorimit të retinoideve.

Versioni mini 9 ml është zgjedhje praktike për ta testuar formulën dhe tolerancën e lëkurës para se të kalosh te madhësia e plotë.

Pse funksionon?

Retinol 0.2%

Një derivat i vitaminës A që ndihmon në përmirësimin e pamjes së vijave të holla, teksturës së ashpër dhe humbjes së elasticitetit.

Retinal

Një tjetër formë e vitaminës A, e përfshirë për kujdes më të fokusuar te toni, tekstura dhe pamja e fortësisë së lëkurës.

Hydrolyzed Sponge – Micro-Spicules

Struktura shumë të vogla, të ngjashme me mikrogjilpëra, që ndihmojnë shpërndarjen e formulës në sipërfaqen e lëkurës.

Për shkak të tyre, mund të ndihet një pickim ose tingling i lehtë pas aplikimit.

Madagascar Centella Asiatica

Ndihmon që lëkura të ndihet më e qetë dhe mbështet një pamje më të balancuar.

Panthenol

Ndihmon në hidratim, qetësim dhe mbështetje të barrierës mbrojtëse të lëkurës.

Squalane

Një emollient që ndihmon në ruajtjen e butësisë dhe reduktimin e ndjesisë së thatësisë.

Adenosine dhe Vitamin E

Plotësojnë formulën me kujdes anti-aging dhe antioksidues.

Çfarë bën?

– Ndihmon në reduktimin e dukshmërisë së vijave të holla
– Mbështet pamjen e elasticitetit dhe fortësisë
– Ndihmon që tekstura të duket më e lëmuar
– Mbështet një pamje më të freskët dhe më të njëtrajtshme
– Ndihmon në përmirësimin e pamjes së poreve të lidhura me humbjen e elasticitetit
– Ofron hidratim dhe mbështetje për skin barrier
– Mund të përdoret si aktiv i fokusuar në rutinën e mbrëmjes

Për kë është?

Rekomandohet për:

– Linja të holla dhe shenja të para të moshës
– Humbje elasticiteti
– Teksturë të ashpër ose jo të njëtrajtshme
– Lëkurë normale, të thatë ose të kombinuar
– Persona që duan të kalojnë nga një retinol më i butë në një formulë më aktive
– Persona që duan ta testojnë retinolin në madhësi mini
– Rutinë për glow, teksturë dhe pamje më të fortë

Për kë mund të mos jetë?

Mund të mos jetë zgjedhja e duhur për:

– Persona që nuk kanë përdorur kurrë asnjë retinoid dhe kanë lëkurë shumë reactive
– Barrierë të dëmtuar, lëkurë të irrituar ose me plagë aktive
– Skuqje intensive ose ndjeshmëri të lartë
– Persona që përdorin retinol, retinal ose retinoid tjetër në të njëjtën rutinë
– Persona që përdorin peeling të fortë ose shumë acide eksfoliuese
– Gra shtatzëna
– Persona që nuk përdorin SPF rregullisht

Ky nuk është produkt që duhet filluar çdo natë vetëm sepse është mini.

Si përdoret?

Përdore vetëm në rutinën e mbrëmjes.

Java 1–2:

1. Pastroje fytyrën me cleanser të butë.
2. Apliko toner hidratues, nëse e përdor.
3. Vendos një sasi shumë të vogël të ampoule-it në fytyrë ose vetëm në zonat problematike.
4. Shmang zonën rreth syve, buzët dhe anët e hundës.
5. Mos e fërko fort. Masazhoje lehtë derisa të absorbohet.
6. Përfundo me një krem hidratues për barrierën.

Fillo 2–3 herë në javë.

Pas adaptimit:

Nëse nuk ke tharje, djegie ose irritim të vazhdueshëm, mund ta rrisësh gradualisht përdorimin në çdo të dytën mbrëmje.

Nuk është e nevojshme ta përdorësh çdo natë për të pasur një rutinë të mirë.

Çfarë mund të ndjesh?

Për shkak të micro-spicules, mund të ndihet një pickim, shpim i lehtë ose skuqje e përkohshme menjëherë pas aplikimit.

Një ndjesi e lehtë mund të jetë normale. Djegia intensive, dhimbja ose skuqja që vazhdon nuk duhet injoruar.

Nëse irritimi vazhdon, ndaloje përdorimin dhe fokusohu në hidratim dhe skin barrier.

Mos e kombino në të njëjtën mbrëmje me:

– Retinol ose retinal tjetër
– Retinoide me recetë
– AHA, BHA ose peeling të fortë
– Scrub fizik
– Produkte të tjera me spicules ose microneedling effect
– Pajisje për microneedling në shtëpi

Mbaje rutinën të thjeshtë:

Cleanser → Retinol Ampoule → Barrier Cream

Rendi në rutinë

Në mbrëmjen me retinol:

Cleanser → Toner hidratues → SKIN1004 Retinol Ampoule → Krem hidratues

Në mbrëmjen pa retinol:

Cleanser → Toner → Essence ose serum hidratues → Krem hidratues

Në mëngjes:

Cleanser i butë → Hidratues → SPF 50

Retinol pa SPF është rutinë e papërfunduar.

Kujdes

Bëj patch test para përdorimit.

Mos e apliko mbi lëkurë të irrituar, të dëmtuar ose menjëherë pas eksfolimit. Shmang kontaktin me sytë dhe buzët.

Mos e përdor gjatë shtatzënisë. Gjatë gjidhënies ose nëse je nën trajtim dermatologjik, konsultohu me mjekun para përdorimit.

Ruaje larg dritës direkte dhe nxehtësisë.

Mos e përdor më shumë për të marrë rezultate më shpejt. Me retinol, konsistenca është më e rëndësishme se sasia.